brounsbank et nicht
the trees dinna sleep
tho some sit up in bed an kid oan
some nod aff fur a wee
buit ye'll niver catch em in the daips
whaur dreams cam
some strip aff
walin ti spend the lang nicht nakit
wi nocht atween them an the dunk fog
buit some raggit shreeds o moss an crottle
ithers keep their claes oan
as they watch the muin chainge frae sickle
to chris grieve's wattery ee
buit cam the morn
they aa streech an yawn
an sticks faa aff their heids
Andrew McCallum bides an haes e's ruits in Biggar. A version of 'Brownsbank Cottage' was first published in The Eildon Tree in 2005, and originated a year earlier as a reading for South Lanarkshire's Doors Open Day. 'Brounsbank et Nicht' is a mair recent manifestation.
